تسع خطوات للتخلص من رائحة الفم الكريهة
المرة هذي كلامنا حيكون عن مشكلة بيعاني منها ناس كثير لدرجة إن المشكلة هذي ممكن إنها تسبب لهم إحراج شديد في بعض الأوقات وهي مشكلة رائحة الفم الكريهة...
علشان كده نبغ نعرف اش هي الخطوات اللي ممكن نمشي عليها علشان نتخلص من المشكلة هذي...
الخطوة الأولى
نغسل أسناننا كويس
لازم نغسل أسناننا كويس بالفرشاة والمعجون بعد كل وجبة... لكن لو كانت ظروف عملنا بتتطلب إننا نقعد طول النهار بره البيت وما راح نقدرإ ننا نغسل أسناننا بعد كل وجبة يبقى في الوقت هذا نمضمض أسناننا كويس بالمويه بعد الأكل... ولازم نهتم كويس إننا نغسل أسناننا الصبح وبالليل بالفرشاة والمعجون.
الخطوة الثانية
نستخدم خيط الأسنان
يا ريت إننا يكون عندنا في البيت خيط أسنان "الخيط السني" علشان كل يوم بالليل بعد ما نتعشى ونغسل أسناننا بالفرشاة والمعجون -زي ما اتفقنا- نستخدمه؛ لأن الخيط هذا بيساعدنا على التخلص من بقايا الطعام اللي ممكن الفرشاة ماتقدر إنها توصل لها وبكذه نبقى ضمنّا نظافة كاملة..
ولازم ناخد بالنا إن خيط الأسنان هذا يكون متوسط في الليونة علشان مايوذي اللثة.
الخطوة الثالثة
نزور دكتور الأسنان بشكل دوري
أنا دايما بافضل إننا نعمل فحص دوري على أسناننا ونروح لدكتور الأسنان مرة كل 6 أشهر على الأقل علشان نقوم بعملية تنظيف كاملة للفم والأسنان وإزالة الجير والتسوس والبكتيريا اللي ممكن إنهم يسببوا رائحة كريهة للفم.
الخطوة الرابعة
ناكل خضروات كثير
نحاول أن أكلنا يكون فيه نسبة كبيرة من الخضروات؛ وده لأن تناول البروتينات "اللحوم" أكثر من الخضروات بيساعد على تنشيط جراثيم الفم اللي بتسبب رائحة كريهة للفم.
الخطوة الخامسة
نشرب سوائل كثير
من ضمن الأسباب اللي بتسبب ظهور رائحة للفم هو الجفاف اللي ممكن إنه يصيب الفم علشان كذه يا ريت إننا نحرص دائما على إن فمنا ما يكون جافّ... وهذا عن طريق إننا نكتر من شرب الماء والسوائل؛ وهذا لأن المويه بتساعد على ترطيب الفم وبتجعل اللعاب أقل كثافة في الفم؛ وهذا لأن اللعاب الكثيف بيكون مصدر غذاء غني للبكتيريا اللي بتسبب حدوث رائحة كريهة للفم..
الخطوة السادسة
ناكل لبان بعد الوجبات
يا ريت إننا ناكل لبان بعد الوجبات خاصة أنواع اللبان الخالية من السكر أو اللي بنكهة القرفة؛ لأن اللبان اللي بنكهة القرفة بيساعد على تنظيف الفم من بقايا الطعام وبيساعد على تخلص الفم من 50 % من البكتيريا اللي بتسبب رائحة كريهة للفم بالإضافة إلى أن القرفة بتحتوي على زيت طيار بيساعد على قتل البكتيريا الموجودة في الفم.
الخطوة السابعة
نغيّر فرشاة الأسنان بصفة دورية
لازم نستبدل فرشاة الأسنان القديمة بفرشاة جديدة كل شهرين أو ثلاثة.
الخطوة الثامنة
الإقلاع عن التدخين
التدخين من الأسباب الأساسية اللي بتسبب حدوث رائحة للفم وعلشان كده يا ريت أي حد بيدخن يحاول إنه يقلع عن التدخين لأنه لا يسبب رائحة كريهة للفم وبس كمان بيسبب اصفرار الأسنان.
الخطوة التاسعة
نخلي دايما قرنفل معانا
فيه حاجات زي "البصل" أو "الثوم" بتترك بعد أكلها رائحة غير مستحبة علشان كذه يا ريت إننا بعد ما ناكل أي أكل فيه "ثوم" أو "بصل" إننا نغسل أسناننا كويس وبعد كده نمصّ قرن قرنفل؛ لأن القرنفل مطهر جيد للفم.
الرئيسية 
الإثنين مارس 14, 2011 12:01 pm
